欧协联8强首回合焦点赛事，比利时球队真特主场斗英超韦斯咸。真特近况转好，近5场4胜豪入19球，韦斯咸喺欧协联实力超班，今届豪取10连胜，作客够力同真特斗攻，今场拣2.5球入球大啱数。

（Now 644周五凌晨零时45分直播）

真特今季比甲表现一般，早已跌出争逐常规赛冠军行列，不过球队近期走势唔错，除咗上场同次席嘅圣基莱斯联踢成1比1之外，之前已取得4连胜，共射入18球，包括欧协联16强次回合，作客巴沙克舒克大胜4比1。球队神射手晓高古比斯当然系危险人物，另一新星艾曼纽奥班近6场入10球，同样状态大勇。

韦斯咸虽然喺英超下游，但近3场赢两场抢咗6分，护级形势稍为松一口气，可以喺欧洲赛博一博。旧年呢个时候，「锤仔帮」仲系踢紧欧霸，曾经淘汰西维尔同里昂呢啲球队，今届喺欧协联只要发挥正常，确实有少少超班。事实上佢哋喺欧协联所向披靡，踢10场赢晒10场，入25球失5球，作客真特都有本钱抢攻。既然真特近况都弗，买客W似乎有少少风险，倒不如拣2.5球入球大。