曼联前锋拉舒福特喺早前英超对爱华顿一役受伤，但似乎并冇影响佢心情，根据英国《镜报》爆料，呢位25岁英格兰国脚豪花24万镑(约234万港元)包专机，同未婚妻露西娅飞去美国纽约旅行。

拉舒福特今次美国之旅非常豪气，包咗一架波音737专机，据悉呢架飞机可以搭载125位乘客，内部空间够晒宽阔，两人可以舒适飞越大西洋。

虽然包机费用达到24万镑，但拉舒福特周薪近25万镑(约244万港元)，换言之用一星期人工，已经够畀有余。

拉舒福特曾於3月因伤未能为英格兰出战欧国盃外围赛，当时佢都飞去纽约旅行，惹来唔少英格兰球迷批评，认为佢诈伤，福仔今次又趁养伤，再次去纽约度假，小心又引起公愤。