今晚西甲重头戏，巴塞隆拿主场火并马德里体育会。巴塞榜首优势明显，搞到近期走势放缓，近3仗冇波入，对住联赛6连胜嘅马体会，肯定加倍谨慎；马体会作客鲁营亦唔介意踢守势波，近5次交手4次开2球或以下，2.5球入球细乃不二之选。（Now 632周日晚10时15分直播）

巴塞早前喺西班牙盃惨吞皇马4蛋出局，之後两场联赛先後闷和基罗纳同基达菲，好在佢哋喺联赛遥遥领先，影响不大，今晚对住「3哥」马体会，相信主帅沙维会较为重视，叫班球员醒醒定定。巴塞今季踢出超强防守，联赛29仗仅失9球，门将达史特根有22场「零封」对手，有望打破西甲失球最少纪录，但同时间佢哋进攻亦走样，罗拔利云度夫斯基近14场有11次食白果，状态低迷，想入波有难度。

马体会出名防守力强，联赛失21球仅次於巴塞，虽然佢哋近11仗9胜2和甚弗，不过想喺鲁营赢波唔容易，加上马高斯洛兰迪同干度比亚停赛，预计闷战居多，入球细稳阵。