英超班霸曼城依家向住「3冠王」目标进发，今季最後7场比赛(若入欧联决赛)会决定佢哋可唔可以名留青史外，仲关乎超过3亿镑(约29.65亿港元)嘅巨额奖金！

英国《太阳报》报道，曼城今季如果顺利成为「3冠王」，所获奖金将会系史无前例。曼城最後4场英超，只要赢3场就足够封王，拎到同上季相近嘅1.64亿镑(约16.21亿港元)奖金；下月英足盃决赛如果击败曼联，亦可以得到390万镑(约3,855万港元)冠军奖金。

至於梦寐以求嘅欧联冠军，如果曼城历史性封王，将会得到1.172亿镑(约11.58亿港元)收入，而且欧联冠军亦确保佢哋可以参加世冠盃，预计奖金收入达到5,000万镑(约4.94亿港)！