利亚奥输到喊?AC主将拎拐枚疑受重伤
2023-05-12 来源: 八一体育 点击
AC米兰喺欧联4强首回合输畀国际米兰0比2,次回合反胜难度极高,佢哋最大希望就系葡萄牙前锋拉菲尔利亚奥复出,不过今场受伤离场嘅伊斯美宾拿沙,完场後被影到要拎住拐杖离场,疑似系严重受伤,1星期後上阵机会渺茫。
拉菲尔利亚奥因肌肉受伤缺阵首回合赛事,但预计次回合可以复出,佢今场同伊巴谦莫域坐喺场边观战,全程非常肉紧,但系当AC米兰输到0比2後,拉菲尔利亚奥被影到双手掩面,怀疑输到忍唔住喊。AC米兰教练皮奥利赛後指入球系今场胜负分野:「国际米兰上半场踢得更好,而且入咗2球,我哋下半场踢得更好,但系入唔到波,不过我相信我哋有能力喺次回合收复失地。」
AC米兰中场伊斯美宾拿沙今场只系踢咗18分钟就伤出,据报佢膝头出现问题,完场後更被影到拎住拐杖离开球场,周四(11日)会进行详细检查,但消息指佢多数赶唔切喺1星期後嘅次回合赛事披甲。
上一篇:欧洲冠军盃四强-AC米兰0-2国际米兰- | 下一篇:文尼有机会返英超 不过唔系利物浦 |
相关阅读
- 05-12文尼有机会返英超 不过唔系利物浦
- 05-12普巴翻生做救星 祖记补时7分钟逼和西维尔
- 05-12最佳免费转会!奥拿拿惊人数据欧联第一
- 05-12罗马20岁奇兵入波 摩连奴先赢沙比阿朗素
- 05-12布斯基斯宣布离开巴塞 下一站由美斯决定?
- 05-12曼联打算召回迪亚路 帮手踢足总盃决赛
- 05-12面子紧要!曼联太太团被迫租贵价包厢
- 05-12【欧协联】韦斯咸主W咪走宝
更多>>精选阅读