喺欧国盃外围赛C组3战全胜嘅英格兰，今晚於奥脱福球场迎战北马其顿。英格兰外围赛表现一向鹤立鸡群，今届暂时3战全胜，而且攻力亦有保证，近11场欧国外，8次开4球或以上；北马其顿踢法性感，有利合演入球骚，捧3.5球入球大。（周二凌晨2时45分开赛）

英格兰近年虽然同大赛冠军无缘，但外围赛经常都表现出众，以超班姿态完成。今届欧国外3战全胜，上届8战亦取得7胜1负。英军欺善怕恶，对住世界排名较低球队，往往采取主攻，所以好多时入波偏多。

今仗移师奥脱福球场上演，英国传媒预测，「三狮兵团」主帅修夫基会调整阵容，曼联球员包括哈利马古尼、劳基梳尔及拉舒福特有望踢正选，庆祝完攞欧联冠军嘅曼城前锋菲尔科顿亦会上阵，上场表现神勇嘅阿历山大阿诺特，将夥拍迪格兰赖斯镇守中场，整体攻力不减。

北马其顿近年足球水平有所进步，上届欧国盃杀入决赛周，上年世盃决赛周亦只差一步，喺附加赛决赛不敌葡萄牙。呢支欧洲小国踢法奔放，近6场欧国外全部搵到入球，就算作客强敌亦唔会刻意防守，会同「三狮」斗攻，上仗对乌克兰先入两粒反输3球，效力恩高斯达特嘅後衞穆斯利奥两黄一红被逐，佢嘅位置或由伊蒂法克嘅达高韦高夫斯基顶替，可能影响防守力，更有利入球骚出现。既然英格兰近11场欧国外有8次总入球开4球或以上，3.5球入球大属好路之选。