英格兰踢完欧国盃外围赛後，一众国脚正式展开悠长暑假，法国时装周就成为唔少国脚嘅第一站，拉舒福特、祖迪比宁咸同阿历山大阿诺特日前齐齐出席名牌LV嘅活动，其中以新发型亮相嘅阿历山大阿诺特最受注目。

LV今次活动有好多球星出席，除咗3名英格兰国脚外，保罗普巴、查顿辛祖、迪比、乌姆迪迪同马古斯杜林都有现身，拉舒福特同祖迪比宁咸戴住黑超型爆到场，但阿历山大阿诺特就以全新「贴辫头」造型亮相，成功抢镜。

英超多数球会都定喺7月初复操，有份踢国家队嘅球员或者会迟1个星期左右归队，之後就会随球会展开季前集训，新一季英超会喺8月12日开锣。