车路士今个夏天非常忙碌，大清货之余亦要四出招兵，佢哋周日(25日)宣布，已经成功签入牙买加国脚杜祖安李察士，呢位17岁前锋依家正代表国家队出战美洲金盃，佢会喺10月份18岁生日之後，正式加盟车路士。

杜祖安李察士一直喺美国嘅Phoenix Academy受训，呢间学校嘅揸弗人奇治毕拿，就系阿士东维拉翼锋里安拜尼嘅後父。虽然杜祖安李察士未踢过职业比赛，但天赋已获肯定，牙买加国家队更徵召佢踢啱啱展开嘅美洲金盃。

身高1米89嘅杜祖安李察士，10月11日踏入18岁生日後，就可以正式同车路士签署职业球员合约，预计佢会先被外借，或者留喺车路士青年军磨练。