巴西球星尼马今年2月重伤收咧，不过场外是非依然不断，早前被踢爆背住大肚女友Bruna Biancardi偷食，搞到要公开道歉请求原谅，之後亦陆续有女性公开曾被尼马「搭讪」。Bruna嘅妹妹Bianca日前喺IG疯狂炮轰尼马，估唔到因而上位，IG粉丝暴增40万！

尼马女友Bruna Biancardi系着名模特儿，佢妹妹Bianca当然亦有番咁上下「姿色」，不过尼马「姨仔」嘅IG帐号原本设定系私人，直到最近突然转为公开，并用千字文向尼马开火，炮轰呢位巴西前锋「拒绝长大」、「幼稚」、「唔识尊重他人」，令到佢家姐受尽苦头。

Bianca嘅IG转做公开兼发出惊人言论後，一日内粉丝激增40万，除咗因为佢同家姐一样貌美如花，Bianca为维护家姐向尼马开火，亦令唔少球迷大快人心。据报Bruna Biancardi已经原谅尼马，准备一齐迎接新生命降临。