U21欧国盃8强，西班牙火并瑞士。「小狂牛兵」今届表现对办，喺B组2胜1和首名晋级，系争冠分子，瑞士喺D组1胜2负，最後幸运地凭对赛成绩惊险晋级，出到线已经要还神，今仗强弱分明，西班牙要撕破瑞士条豆腐防线话咁易，加上瑞士近7仗全开3球或以上，2.5球入球大稳阵。(Now 630周日凌晨3时直播)

西班牙喺小组赛未遇阻力，首仗大胜东道主之一罗马尼亚3比0，第2轮再赢克罗地亚1比0，一早确定出线席位，第3轮作出个别轮换下，仍能与乌克兰踢成2比2，凭较佳得失球力压同分嘅乌克兰首名晋级。效力布拉加嘅艾比雷斯上仗下半场中段後备落场都有「士哥」，喺小组赛累积攻入两球，佢哋整条左路攻击线特别弗，沙治奥高美斯、巴尔拿同桑米兰达各有1球进帐，成为球队火力泉源。

瑞士能够跻身8强，完全系运气使然，佢哋喺小组赛1胜2负，3仗失8球更系今届最多，首仗2比1赢挪威後，第2同第3轮都输波，其中上仗更以1比4大败於法国脚下，但由於同组意大利又输畀挪威，在3队同得3分情况下，瑞士靠3队之间对赛总入球多1球而取得出线权，但睇番瑞士上场要争出线情况下，对住法国都输到冇得踢，面对同法国同级数嘅西班牙，应该好多波入。