加拿祖「嚣张」庆生 被批暗踩两大球王
2023-07-06 来源: 八一体育 点击
曼联新星阿历真度加拿祖刚於7月1日度过19岁生日,佢「庆生」相片流出,引起牵然大波,皆因相中有2位分别身穿阿根廷及葡萄牙球衣嘅侏儒症人士,拎住印有7号嘅生日蛋糕同加拿祖合照,网民批评呢位翼锋太嚣张自大,唔止妄自尊大,吼住传奇7号球衣,仲有暗踩两位球王美斯同C朗之嫌。
据悉阿历真度加拿祖邀请一众好友,出席佢嘅生日派对,又影相又拍片,最争议性一幕出现喺推出生日蛋糕环节,2位患有侏儒症人士分别身穿阿根廷及葡萄牙球衣,一齐拎住蛋糕出场,问题系加拿祖同葡萄牙扯唔上关系,唔明点解其中1位推蛋糕出场嘅人士会着葡萄牙波衫,二来请患有侏儒症人士推出蛋糕,令人联想起阿根廷球王美斯曾经患有侏儒症。因此,网民认为派对搞手有心贬低美斯同葡萄牙球星C朗,借2位侏儒症人士陪衬加拿祖。
另一个争议点系蛋糕上除咗有19字样代表阿历真度加拿祖19岁生日,同时有7字,亦令人费解,皆因加拿祖喺阿根廷及曼联都唔系着7号,令人怀疑佢自己「加冕」成为传奇7号。
此外,阿历真度加拿祖嘅社交网Instagram「粉丝」日前突破700万大关,佢发放一张合成照庆祝,背部有7字,下面有百万字样,再次令人联想加拿祖已经将7号视为囊中之物。不过,阿根廷国家队7号属於迪保罗,加拿祖此举明显唔尊重队友,至於曼联7号自C朗离队之後一直悬空,加拿祖似乎想为自己造势,争取获得呢件代表王牌嘅球衣。
不过,加拿祖无论喺球会或国家队都唔系主力,但却妄想要获得7号,难怪惹来批评指佢未红先骄。
上一篇:艾法美路再战英超?3队有意「博一铺 | 下一篇:同场过关速报!国际盃赛点玩先最好? |
相关阅读
- 07-06【官宣】谢拉特登陆沙特 抢签利物浦队长
- 07-06梅迪历爆发 舒夫真高撑佢「唔系水货」
- 07-06热刺组军密密入货 有望连签2人
- 07-06同场过关速报!国际盃赛点玩先最好?
- 07-06以色列U21门神爆红 要做「迪基亚第二」
- 07-06U21欧国盃上演英西梦幻决赛 曼城成大赢家
- 07-06【官宣】艾纳斯签波索域 C朗有好帮手
- 07-06白礼顿签荷兰门将 花式官宣玩《阿森一族》
更多>>精选阅读