英超劲旅阿仙奴周二(4日)正式展开新球季备战，加比尔捷西斯、李安度杜沙特、宾韦特等球星都归队复操，喺部份要踢国际赛嘅主力未返嚟下，多位新星都获提拔，包括英超史上最年轻球员华尼利，呢位16岁新星日前同阿仙奴续约，将成领队阿迪达力捧新人。

阿仙奴复操有唔少熟悉嘅「新面孔」，上季被外借嘅薛迪索拉斯、卢干加、马昆奴斯都有份出序，不过预计佢哋都会被外借或卖走。比较特别嘅系，16岁新星华尼利同阿仙奴嘅学徒合约6月30日完结，原本被传获车路士同曼城高薪挖角，但最终都有出现喺球队操练。

据《The Athletic》报道，华尼利已答应同阿仙奴续约，而且会喺明年3月17岁生日後，同阿仙奴签职业球员合约，报道指阿迪达向华尼利详细讲解提拔嘅安排後，成功说服呢位小将留队系最佳选择。华尼利上年9月英超对宾福特上阵，当时佢只得15岁181日，成为英超史上最年轻上阵球员。