沙特传媒报道，正喺意大利渡假嘅C朗，将会结束假期，喺两日後抵达利艾纳斯喺葡萄牙训练营，预计会喺对切尔达嘅赛事上阵。

艾纳斯暂时安排咗6场季前热身赛，幕後非常识玩，头站就喺C朗家乡葡萄牙开始4场波，包括对艾华卡、法伦斯、切尔达同宾菲加。C朗正同女友及囝囝囡囡喺意大利撒丁岛渡假，7月10日就会向球会报到，备战新球季。

沙特传媒指出，由於C朗需要时间回复，预料佢会喺第3场热身赛先会上阵，喺17号斗切尔达，跟住20日就会对宾菲卡。完成葡萄牙热身赛，艾纳斯就会启程飞往日本，7月25日对巴黎圣日耳门，29日对国际米兰，进行2场重磅对决。