美洲金盃8强重头戏，两个主办国美国及加拿大交锋，A组首名出线嘅美国有主场之利，虽然呢支北美劲旅连续两场大胜6球，但对手都系鱼腩球队，「水分」甚重，不宜高估。加上美加近4次对赛势均力敌，总入球全开2球或以下，宁愿再追中位数2.5球嘅入球细。（无綫myTV SUPER周一早上7时30分直播）

美国最後两场分组赛同样以6比0狂数圣基茨和尼维斯、千里达，能够大胜皆因对手太弱，前锋捷西斯费拉拿上仗对千里达，即使上演「帽子戏法」入3球都木无表情，证明佢心中有数，呢种毫无考验嘅「大胜」其实意义不大，根本冇必要庆祝。

事实上，睇番美国首场分组赛对稍具实力嘅牙买加，并占唔到优势，要踢到88分钟先至入波，惊险逼和1比1。加拿大整体实力更胜牙买加，恐怕美国今仗难以继续轻松入波。

至於加拿大今届稍为失准，踢到最後1场分组赛先至赢波，取得次名出线。佢哋阵中有唔少球员效力美职球队，非常了解对手踢法，相信今场可以作出针对性部署，双方近年交手，往往斗得难分难解，其中近3次对赛，两队各赢1次及1次打和。而且今仗属於淘汰赛，一战定生死，预料双方会踢得更谨慎，最好博入球细。