试阵为主随时打乱章 阿仙奴大骚娱宾
2023-07-14 来源: 八一体育 点击
上季英超争冠失败嘅阿仙奴,今个暑假积极扩军,今晚进行首场正式季前热身赛,作客德国对「老对手」纽伦堡。「兵工厂」今次集训阵容大兜乱,相信试阵为主,旨在畀球员重拾状态,战术执行唔会太严谨,好大机会变成打乱章嘅「入球骚」,两军上次拍跳入够8粒,重演历史唔奇。(周五凌晨1时开赛)
阿仙奴上季季前热身,首站咁跷又系作客德乙纽伦堡,今季照办煮碗。当时佢哋由新加盟嘅加比尔捷西斯梅开二度,喺落後两球情况下反胜5比3。今仗阿仙奴同样有新加盟嘅夏维斯等住落场表演,呢位德国国脚已跟操几日,虽然同马田奥迪加特及布卡约沙卡等新队友默契有待加强,但单靠个人质素都够搵到入波。
由於一众主力归队冇耐,预料阿仙奴今场只会畀佢哋踢半场,大量年轻球员获上阵机会,包括两位16岁新星华尼利同史基利,加上外借回归嘅巴洛根及马昆奴斯等小将,领队阿迪达将以试阵为主。睇番阿仙奴对上5季首场热身赛,总入球都系3球或以上,相当抢缰。
纽伦堡实力难同阿仙奴相比,不过佢哋备战新季够积极,已经踢过3场热身赛,体能同状态自然唔曳,加上近两场友赛入5球,力足威胁阿仙奴防线,等睇入球骚。
上一篇:【纽澳女足世盃】亚洲女力齐聚大洋洲 | 下一篇:利物浦再被沙特挖角 今次轮到法宾奴 |
相关阅读
- 07-14美国大热倒灶 巴拿马闯金盃决赛斗墨西哥
- 07-14英超新赛季 BIG SIX的夏天转会(下)
- 07-14车路士新队长 堤亚高施华成大热
- 07-14曼联轻取列斯联 美臣蒙特首演好评如潮
- 07-14The Making of 苏保斯礼:严父管教与自我鞭策的
- 07-14赖斯同曼市球星练波 阿仙奴拖转会酿变数?
- 07-1419/20欧冠军盃十六强-马竞1-0利物浦-红军身陷重
- 07-14利物浦再被沙特挖角 今次轮到法宾奴
更多>>精选阅读