宾福特前锋艾云东尼喺5月份因违规赌波罪成，被英格兰足总重罚停赛8个月，不过艾云东尼「并不独行」，英格兰足总周四(13日)宣布，诺定咸森林左闸哈利托夫路涉嫌喺2014年至2017年间，375次违规赌波，罪成嘅话必面临长期停赛。

27岁嘅哈利托夫路上年由哈特斯菲尔德转投诺定咸森林，不过今次控罪涉及嘅3年时间，佢正效力出道球会诺域治，英格兰足总畀佢喺7月19日前就控罪作出回应。艾云东尼之前被控262次违规赌波，後来有30次指控被撤销，由於艾云东尼承认控罪，所以获减刑停赛8个月。

消息指违规赌波嘅指控次数，同最後判刑未必有直接关系，维尔港前锋米治奇勒上星期就因312次违规赌波罪成，但只系被罚停赛3个月。