马古尼自爆被褫夺队长 发声明称「极度失望」
2023-07-20 来源: 八一体育 点击
曼联全军展开集训即爆出「队长风波」!星期六(15日)正式归队嘅哈利马古尼,返曼联後即被领队坦哈格通知佢嘅队长职务已被褫夺,呢位英格兰国脚周日(16日)喺社交网发出长文证实,表明对呢个决定「极度失望」。据报哈利马古尼依家非常愤怒,将考虑如坦哈格所愿离开曼联,传闻车路士有意接收。
30岁嘅哈利马古尼喺2019年夏天加盟曼联,半年之後即接替艾舒利杨格成为队长,不过随住坦哈格上任,哈利马古尼已经唔喺球队组军计划内,坦哈格上月亦曾催促佢尽快为去留作出决定。哈利马古尼周六结束度假归队後,第一个接到嘅消息就系被褫夺队长职务。
哈利马古尼喺twitter发声明:「今日同领队倾过,佢通知我佢决定更换队长,佢有解释咁做嘅原因,虽然我觉得极度失望,但只要我每次着起曼联波衫都会倾尽全力。多谢球迷喺我做队长期间嘅无限支持,由我3年半前接受呢个任务开始,以队长身份带领曼联出赛系我足球生涯最大光荣...我会永远感激苏斯克查决定畀我做队长,我亦会祝福同支持下一任队长取得成功。」
哈利马古尼对呢个决定「愤怒、震惊同伤心」,佢嘅声明中亦冇提到「坦哈格」,只系用「领队」嚟交代,反而提及感激前领队苏斯克查就直接开名。报道指哈利马古尼一直属意留喺曼联争正选,尤其新一季要应付欧联会有唔少机会,但今次「队长风波」可能会令佢重新考虑,而曼联下任队长据报将会系般奴费南迪斯。
英国《太阳报》报道,除韦斯咸准备提出借用哈利马古尼外,车路士领队普捷天奴亦有意收购呢位中坚,消息指曼联原本叫价5,000万镑(约5.1亿港元),但依家愿意减价至3,000万镑(约3亿港元)成交,而哈利马古尼目前同曼联剩低嘅2年合约,周薪为20万镑(约204万港元)。
相关阅读
- 07-20【宫崎春训心得】曾与台湾交流 金泽萨维根盼更
- 07-20The Making of 苏保斯礼:严父管教与自我鞭策的
- 07-20确认过眼神,阿森纳放弃Guendouzi是错误的决定?
- 07-20LUKA MODRIC 国民英雄变成全民公敌
- 07-20【足球世界】美职联也有明星赛?他们的明星赛有
- 07-20爱伦韦特:袋鼠兵可旗开得胜
- 07-20同场过关速报!女子世盃随时执到宝
- 07-20又回到最初的起点 艾朗蓝斯重投母会
更多>>精选阅读