北美联赛盃开打，美斯强势登场！由美职及墨超球队争夺嘅北美联赛盃，瞩目戏码系国际迈亚密主场斗蓝十字。阿根廷球王美斯来投，令国际迈亚密成为全球焦点，佢嘅第一场波当然希望赢波而回，撞啱蓝十字3连败近况唔掂，国际迈亚密有望踩多一脚，让平半上盘好路。（周六早上8时开赛）

为一睹阿根廷球王首演嘅风采，今场波炒飞炒到癫，但仍然一票难求，今场肯定全场爆满，不论国际迈亚密抑或对手蓝十字球员，肯定受到呢股氛围影响，加多两钱肉紧搏杀。

布斯基斯来投帮到手

北美联赛盃总共有15组，每组有3队，每组首两名连同美职冠军FC洛杉矶及墨超首阶段季後赛冠军帕丘卡，进身32强淘汰赛，同国际迈亚密同组嘅除咗蓝十字，仲有阿特兰大联，因为比赛场数少，所以场场都要搏命。美斯及布斯基斯嘅加盟，除咗名气之外，绝对可以增强国际迈亚密攻力，不过球队之所以排美职榜尾，全因为防守力差，球队近6场全部有失球，5次开3球或以上，预料佢哋娱乐性嘅踢法不会有太大改变。

蓝十字未齐脚顶唔住

另边厢，蓝十字喺墨超亦开得唔靓，竟然录得3连败，加上球队主力乌利尔安度拿，上周助墨西哥赢金盃冠军後仍未归队，令球队实力进一步削弱，今场难顶球王加盟嘅气势，捧国际迈亚密上盘。