女子世盃擂台趸美国强势登场，喺E组首仗扑击越南。双方实力悬殊，世界排名第一嘅美国系女子世盃4届盟主，亦喺对上两届夺冠，今届冲击史无前例嘅男女子世盃3连霸神纪录，首场要喺越南身上全取3分只系简单任务，加上佢哋近4仗对亚洲球队3次赢6球或以上，美国女足-5照捧让球主胜。（Now 630周六早上9时直播）

美国系女子世盃最成功球队，佢哋曾4夺世盃，目前拥有「4星」荣誉，只要再捧盃就可追平男子巴西嘅「5星」，而喺男女子世盃历史上，只有男子意大利、巴西，女子德国及美国4队能够连赢两届冠军，近两届夺冠嘅美国，只要今届再捧盃，将可成为男女世盃历史上首支球队取得3连霸，佢哋全队上下将朝呢个目标迈进，今场系夺冠之路第一击，肯定无比重视。

拥有雅历丝摩根、雅莎汤逊等顶级球星嘅美国，喺女子世盃场合唔会留手，佢哋在上届分组首仗对泰国就曾大炒13比0，而近4仗对亚洲球队不但全胜，当中3场亦赢6球或以上；至於越南虽然系出炉东南亚运动会女足金牌，但早前热身赛狂吞西班牙9蛋，足证佢哋同世界顶级球队差距颇大，今仗相信会抱住学习心态应战，大败而回绝唔令人意外。

直播表

周五 3:30pm 女子世盃 西班牙女足 对 哥斯达黎加女足

周五 6:30pm 韩职 蔚山现代 对 济州联

周六 9:00am 女子世盃 美国女足 对 越南女足