南美自由盃淘汰赛展开，周三朝早嘅16强首回合，有阿甲劲旅小阿根廷人主场斗巴甲嘅富明尼斯。小阿根廷人近年喺加比尔米列图带领下进步极大，分组赛表现亦相当对办，今仗藉主场之利有望用活力克制老将众多嘅富明尼斯，捧小阿根廷人开主Ｗ先下一城！（周三早上6时开赛）

小阿根廷人两年前请到名将加比尔米列图执教，年轻化令全队充满活力，加斯顿华朗、列当度苏拿利等新人都受到欧洲豪门注目，球员抗压力亦不断加强，佢哋喺分组赛力压另一支巴甲劲旅哥连泰斯出线，两循环交锋有1胜1和成绩，绝对无惧面对任何巴西球队。

巴甲近年垄断自由盃，不过富明尼斯冇份沾呢份光，佢哋上届喺外围赛就被踢出局，事实上富明尼斯已到强弩之末，菲腊比美路、马些路、甘素等老将应付高强度赛事开始吃力，而且富明尼斯作客表现特别差，近4场自由盃作客输咗3场，包括分组赛作客阿甲嘅河床净吞两蛋，今仗睇好小阿根廷人赢波。