英冠新球季将於周六(5日)凌晨开锣，打头阵有锡周三主场斗修咸顿。两队上季仲差两个级别，锡周三由英甲升上嚟，反观修咸顿就降班。作客嘅「圣人」牌面较好，不过多位球星有离心，对住战意旺盛嘅锡周三未必咬得入，博2.5球入球细好过。(周六凌晨3时开赛)

修咸顿喺英超征战11年後，今季降落英冠比赛，论牌面当然赢晒，但实情系禾特普斯、奥美奥拉维亚及获加彼德斯等谂住走人，中坚穆罕默德沙利素日前已转投摩纳哥，军心难免散涣，喺讲求斗志及体力嘅英冠，季初未必有甜头。

「圣人」新帅罗素马田希望引入之前教史云斯嘅传控足球，不过呢种技术型打法唔系一时三刻就可以适应，尤其球队正处於阵容动荡期，季前热身成绩亦唔系咁好，5场热身赛只赢过一场，上仗对阿尔克马尔就输0比1，新踢法未熟习下，季初唔好对佢哋有太大期望。

锡周三上季透过英甲附加赛升班，佢哋防守稳健，上季46场联赛只失37球。上季英联盃第3圈，锡周三就试过越级挑战修咸顿，当时踢成1比1，修咸顿靠互射12码先晋级，再睇两队近7次交锋，总入球全部开2球或以下，2.5球入球细值追。