热刺前锋哈利卡尼去留问题，好快有答案，根据英国《每日电讯报》爆料，如果今季英超开咧之後，佢仍然未能转会，就会留队履行最後1年合约，然後明夏自由身走人。

拜仁慕尼黑早前提出终极报价8,600万镑(约8.6亿港元)收购哈利卡尼，要求热刺必须於上周六(5日)或之前答覆是否接受，结果得唔到回覆，意味交易应该会告吹。据悉哈利卡尼唔强求今夏转会，亦冇向会方施压，并已经准备好迎战新一季英超，只要联赛开锣，就会留队踢埋今季赛事，就算转会窗9月1日先至关闭，佢都唔会改变主意，但同时唔会续约。

热刺将於8月13日晚首场英超作客宾福特，如果到时仲见到哈利卡尼上阵，就知道答案。