曼联上周六(5日)已经正式宣布签入阿特兰大射手贺兰特，但一直未公布呢位20岁丹麦国脚嘅球衣号码，令想印波衫冧巴嘅球迷好焦急。根据英国《太阳报》爆料，曼联主帅坦哈格打算再签入2至3位球员，同时亦要清洗部份副选，可能要等组军完成，再决定贺兰特嘅号码。

据悉曼联下一单收购好可能系费伦天拿中场苏夫恩岩拉伯特，仲有尼斯中坚图迪保，至於清洗球员人数就更加多，包括安东尼马迪尔、费特、麦汤米尼、哈利马古尼等。由於贺兰特最喜爱17号，可能等现时17号球衣主人费特离队後，再接过呢件波衫。

此外，安东尼马迪尔着紧代表射手嘅9号，如果佢离队，贺兰特亦有机会着呢个号码，由於贺兰特有伤在身，将缺阵首2场英超，佢仲有时间，慢慢决定着边个号码。