今轮西甲压轴战上演「小马德里打吡」，由华历简奴主场对马德里体育会。华历简奴虽然开咧两连胜，但对手实力一般，今场面对同市劲敌先见真章，马体会一向食住华历简奴，近8次交手获7胜1和压倒性佳绩，今场只系小让平半，上盘抵玩。（Now 632周二凌晨3时30分直播）

华历简奴前季重返西甲後，连续两季都喺中游冲过终点，球队实力喺同市球队当中，只系同基达菲差唔多，与两大班霸皇家马德里及今仗对手马德里体育会有一段距离。

华历简奴虽然今季开咧表现有惊喜，取得开季两连胜，听落好似好劲，不过睇真啲，佢哋击败嘅对手只系前季升班嘅艾美利亚，同今季升班嘅CF格兰纳达，不宜过份睇好。

另边厢，马德里体育会近况积极，周中喺冇正式赛事下，自己约战低组别球队纽文西亚拍跳，希望球员尽快上力。马体会除咗防守硬净之外，上季联赛入波数字已经同巴塞隆拿一样，只比皇马少，大家唔好再觉得佢哋只系识打防反，马体会对住弱旅有足够能力完全控制战局，加上佢哋对住华历简奴特别醒神，近8次交手获7胜1和，今场绝对有力反客为主。