听朝巴甲快车尾场上演前列抢分对决，巴拉干天奴红牛主场硬撼甘美奥。红牛力争参加下届自由盃，主场出击或会稳中求胜；甘美奥作客表现麻麻，相信亦唔敢轻举妄动，中位数2.5球入球细属不二之选。

（周五早上8时30分开赛）

巴拉干天奴红牛早前喺南球盃16强，两回合同阿美利加明尼路踢成4比4，最终互射12码饮恨出局，惟有专心番联赛。佢哋目前只系落後第4位嘅法林明高3分，绝对有机杀入前4，直接获下届自由盃分组赛席位。查实红牛主场表现极为硬净，近9仗联赛主场不败，虽然和波偏多，但胜在防守稳健，单计近5仗联赛主场只失1粒，全开2球或以下，防守可投下信心一票。

另边厢，赛前排第3嘅甘美奥近4仗联赛录3胜，但全部都系嚟自主场，佢哋作客战绩差天共地，单计近5仗联赛作客，只得1胜1和3负，包括上次造访下游分子山度士，竟然反输1比2，证明球队作客唔多够信心。虽然甘美奥排名较高，不过只系领先红牛3分，呢场关键「6分波」为免畀对方过头，定必小心为上，唔慌多波入，一於捧入球细。