今季英超开局大勇嘅热刺，喺周日(24日)北伦敦打吡前传出噩耗，克罗地亚老将比列锡喺训练期间重伤，据报今季好可能提早收咧，而且佢同热刺嘅合约明年夏天完结，意味佢可能已冇机会再披热刺球衣上阵。

热刺周三(20日)发声明证实，比列锡喺日前训练中冇任何碰撞下受伤，右膝十字韧带重创，将要进行手术治疗。据报比列锡手术後要休息至少半年，呢位34岁球星今季系热刺「後备杀手」，5场联赛都有後备上阵，包括上场绝地反胜锡菲联交出关键助攻。

比列锡上年由国际米兰加盟热刺，上季喺34场联赛上阵，状态一直保持得好好，佢今次重伤，对克罗地亚争夺明年欧国盃入场券亦系一大打击，比列锡喺克罗地亚4场欧国外踢足360分钟，地世举足轻重。