曼联上季聘请坦哈格做领队後，大刀阔斧进行改革，不过呢位荷兰教头嘅管理就引起唔少质疑，智利名将维达尔近日亦「加把口」，批评坦哈格对待C朗拿度嘅方法，而佢嘅论点更相当奇怪：「光头佬系特别麻烦！」

坦哈格铁腕踢走C朗拿度、反口取消答应减薪嘅迪基亚新约，加上处理格连活特、安东尼马菲奥斯同查顿辛祖嘅方法，都引起外界唔少质疑，曾效力祖云达斯、拜仁慕尼黑同巴塞隆拿等名牌嘅维达尔，日前就系自己Twitch频道表示：「呢个教练(坦哈格)唔掂，佢点可以咁对C朗？佢踢走球队嘅神射手，光头佬系特别麻烦！」

现年36岁嘅维达尔同坦哈格本身冇乜瓜葛，相信佢对「光头佬」嘅敌意源自森柏奥利，维达尔夏天由法林明高转投帕拉尼恩斯後，曾批评前法林明高教练森柏奥利系「失败者」。