【赛後解码】岩拉伯特多才多艺 客串左闸都掂
2023-09-28 来源: 八一体育 点击
曼联喺英联盃以3比0击败水晶宫,以借用身份由费伦天拿加盟嘅中场苏夫恩岩拉伯特,首次担任正选,虽然领队坦哈格安排佢出任左後衞,但呢位27岁摩洛哥国脚一样交足功课,大大提升变阵灵活性。
曼联2位左後衞劳基梳尔、杜维尔马拉西亚养伤,新签左闸利古朗上仗英超对般尼,亦不幸伤出,坦哈格今仗上半场搵苏夫恩岩拉伯特客串左闸。呢位「光头佬」喺今夏转会市场关闭前最後一刻成「魔」,但受伤患问题影响,直至上仗英超尾段,先至後备上阵首次为曼联披甲,虽然第1次踢正选,就要改为司职左後衞,但一样难唔到佢。美臣蒙特下半场被换走後,苏夫恩岩拉伯特踢番最擅长嘅中场,可以话系一位通天老倌。
岩拉伯特今仗踢咗61分钟,作出81次传波,有78次成功交畀队友,成功率达96%,包括6次长传有5次成功,而6次同对手对抗,有5次胜出,加上2次抢截,仲有1次射门。呢位中场硬汉大赞球队表现完美,自己唔介意踢任何位置:「我同领队讲过愿意踢任何位置,如果球队需要,就算出任门将都得,虽然今场踢左後衞,但我有唔少自由发挥空间,可以喺中场活动,感觉非常好。」曼联爆左闸荒之下,苏夫恩岩拉伯特未来日子应该有大把表现机会。
上一篇:卡斯米路1射1传 曼联大胜打入英联盃 | 下一篇:安东尼将飞返英国 接受警方问话 |
相关阅读
- 09-28英超23/24赛季-阿森纳2-2热刺-孙兴慜与Maddison
- 09-28安东尼将飞返英国 接受警方问话
- 09-28英超23/24赛季-伯恩利0-1曼联-脱出连败状态
- 09-28土豪大对决!曼城抢盃强势拆「纽」
- 09-28车路士赢白礼顿止血 芝维尔又受伤
- 09-28车路士终於搵到心口赞助 进帐4000万镑
- 09-28车仔贵价左闸等冬季走人 或同Kepa再做队友
- 09-28卡斯米路1射1传 曼联大胜打入英联盃16强
更多>>精选阅读