欧国外A组另一场赛事，塞浦路斯主场迎战挪威。挪威为出线不容再失，但下仗恶斗西班牙更加关键，今仗遇弱定必速战速决，半场客胜捧得过。

（周五凌晨2时45分开赛）

挪威状态回勇，各项赛事豪取3连胜，包括近两轮欧国外赢晒，其中上轮对住格鲁吉亚，纽沙两度妙传，造就艾宁夏兰特同马田奥迪加特各建一功，险胜2比1取得重要3分，保住出线希望，今仗遇上弱旅塞浦路斯，赢波志在必得。

塞浦路斯系正宗冇骨鱼腩，头5轮欧国外输晒之余，仲狂失17粒，包括上轮惨吞西班牙6蛋，任人鱼肉。再睇睇A组形势，挪威唔单止落後榜首苏格兰8分，更打多一仗下落後次席西班牙2分，形势唔太乐观，除咗今仗要击败塞浦路斯外，下轮对西班牙更加系生死战，如果赢唔到的话，争头两名直接出线席位嘅机会微乎其微。

既然挪威今仗只系对冇还击之力嘅塞浦路斯，梗系想尽快锁定胜局，下半场畀一班主力抖抖，为下仗斗西班牙留力，加上挪威近4次对住塞浦路斯，全部上半场已取得领先优势，今仗势必抢攻，半场客胜有计。