至於头场意甲赛事，今季入波最少嘅球队安玻里，将会喺主场迎战阿特兰大。安玻里锋力疲弱，不过主场擅踢守势波，阿特兰大球员舟车劳顿下，未必可以发挥水准，今仗随时系闷战一场，2.5球嘅入球细值得捧场。（Now 638周二凌晨1时30分直播）

安玻里今季要为护级挣扎，最大问题系入球能力太低，即使上仗爆冷2比0赢费伦天拿，但今季9场联赛只入3球，仍然系意甲入波最少嘅球队。佢哋今季抢分最大法宝，就系唔错嘅防守力，主场独沽一味死守战术，今季5场联赛主场，总入球全开2球或以下，近5场联赛亦有4场总入球少过3球。

阿特兰大虽然踢法主攻，不过上周中喺欧霸盃作客激战後，球员体力未有足够时间恢复，今场唔会抢得太尽，而且阿特兰大近4场联赛作客3败，要扭转颓势相信会踢得特别稳阵，今场开2.5球嘅细盘机会极高。