今晚英联盃仲有车路士主场对布力般流浪，「蓝战士」今季联赛成绩唔理想，上仗刚输畀宾福特，料会认真应付英联盃，佢哋踢英联盃经常早段入局，近6次英联盃对非英超球队半场全开2球或以上，今场对布力般流浪相信都一样，捧1.5球半场大。（周四凌晨3时45分开赛）

「车仔」近排表现同成绩都回稳，共录得4仗3胜1和走势，但上场联赛对宾福特打回原形，主场净吞两蛋，普捷天奴又要谂计止血，今场对布力般流浪自然不敢怠慢，赛前消息仲话几位主力，尼高拉斯积逊、摩西斯卡些度、干拿加历查同罗拔山齐士都会正选披甲，几乎系「夫添」，佢哋踢英联盃对低组别例牌半场多波入，相信今场都唔例外。

不过喺赛前传嚟坏消息，报道指，足总正调查车路士喺2013年收购韦利安同伊度奥嘅转会，车仔曾向神秘「第3方」支付，怀疑涉及违规操作，一经证实就可能会被罚扣分。

而布力般流浪依家喺英冠排喺中游，最大目标系争升班，而佢哋今届英联盃频频上演入球骚，包括首圈4比3淘汰华素尔、第2圈更大炒哈洛格特8比0、第3圈亦以5比2击败卡迪夫城，半场全开2球或以上，今仗挑战车路士，半场出现大手交易不足为奇。