另一场世盃外亚洲区第2圈C组赛事，劲旅南韩主场迎战新加坡。「太极虎」实力大超班，不过主帅奇连士文明言唔会轻敌，而且近年面对死守球队总系老鼠拉龟，大细中位数开到5.5球咁多，宁捧入球细。（周四晚7时开赛）

南韩经历世盃惨败畀巴西16强止步後，改由奇连士文接手，「金色轰炸机」冇长驻南韩，采用遥距执教，上任後头5场差到只得3和2负未赢过，一度处於被炒边缘，好彩近3场连赢沙特阿拉伯、突尼西亚同越南，先至保住帅位。但要留意南韩嘅对手都系实力偏弱，部分赛事大胜不足为据。

当然，南韩坐拥孙兴民、黄喜灿、李康仁、金玟哉等外流欧洲猛将，实力冠绝C组各队，「奇哥」都话球队表现稳步上扬，但佢都特别提出，早前亚冠盃全北汽车作客新加坡球队狮城水手，全世界都睇好呢支南韩班霸可轻松取胜，点知就爆冷输波，证明波系圆嘅，就算同组对手只系新加坡、中国同泰国，冇一场会系轻松嘅比赛，一定要小心应付。

世界排名第155位嘅新加坡，虽然近3场全胜，但对手实力太弱，好难同南韩相提并论，今场目标好简单，就系输少当赢，一定摆铁桶阵死守。南韩对住死守球队总系大炒唔到，睇番佢哋之前14场世盃外全开5球或以下，杀鸡焉用牛刀，最紧要系赢波3分，毋须大炒，入球细有计。