世盃南美洲区外围赛，巴西作客防守硬净嘅哥伦比亚。巴西王牌尼马做手术长抖肯定缺阵，加比尔捷西斯亦因肌肉疲劳未必上阵，对进攻有好大影响；哥伦比亚外围赛1胜3和，各项赛事近15场保持不败，近6仗5次开2球或以下，今场宜捧2.5球入球细。（HOY TV 77台周五早上8时直播）

「森巴兵团」上轮作客乌拉圭净吞2蛋，今场再输就会畀哥伦比亚过头，球队不能接受连输两场。不过巴西已经冇咗以往以攻代守嘅歌仔唱，今仗肯定加强防守，尤其尼马受伤，加比尔捷西斯要喺赛前做埋最後检测，先知可唔可以上阵，球队要夹硬将云尼斯奥斯祖利亚踢正前锋，但佢喺位置上要有一定程度适应。

哥伦比亚虽然外围赛3连和，但佢哋防守硬净，要赢佢哋有啲难度；哥伦比亚上次输波已经系2022年2月嘅事，当时佢哋作客0比1小败畀阿根廷，之後各项赛事15场不败，非常厉害，而且近6场赛事5场保持不失，呢5仗全开2球或以下，今场预料都系采稳守突击战术应付巴西，入球细好路。

至於另一场直播嘅早餐波，有委内瑞拉对厄瓜多尔。两军同样喺头4轮世盃外获2胜1和1负，委内瑞拉两次主场出击全胜兼保持清白之身，防守固若金汤。厄瓜多尔前线老将安拿华伦西亚更因伤退队，攻力欠锐，今仗作客一定先求稳阵，佢哋近4仗有3次开半场和，包括面对劲旅阿根廷及哥伦比亚，半场均互交白卷，预计今仗初段防守会非常集中，半场和不妨再追。