至於欧联F组另一场赛事，由AC米兰主场对多蒙特，A米4战得5分排第3，今仗火并4战得7分排榜首嘅多蒙特，赛果对出线同样关键。A米为争出线，今仗不容有失，定必步步为营唔会犯险，多蒙特两胜纽卡素後升上榜首，形势相当有利，今仗作客势必加强防守，佢哋近9场欧联全开2球或以下，捧2.5球入球细啱数。（Now 646周三凌晨4时直播）

AC米兰上轮凭老少前锋组合拉菲尔利亚奥同基奥特建功，主场2比1反胜巴黎圣日耳门，奋战至第4轮先打开胜利之门，同时保持出线机会，不过佢哋上场能够赢波只因对手压得太前，畀佢哋有机会打反击，整场控球率只得30%，但今场对手系多蒙特，到时A米要主动抢攻，又系另一回事。

睇番「红黑兵团」今季圣西路主场赛事，联赛主场6战仅入8球，入球数字系前列各队中最少，欧联2场主场仅入2粒，可见佢哋攻力唔系太强，加上拉菲尔利亚奥受伤缺阵，今场入波唔会多。

至於多蒙特喺联赛成绩倒退，依家欧联排喺榜首，自然要集中精神踢好欧联赛事，佢哋喺欧联防守出色，小组4战仅失2球，近9场欧联全开2球或以下，包括首循环同A米踢成0比0，2.5球嘅入球细值得再追。