谢德谦:红魔今晚自求多福
2023-12-20 来源: 八一体育 点击
英超两支传统死敌今周碰头,利物浦主场迎战曼联!早两日同一位支持咗曼联廿几年嘅英国球迷倾计,点睇呢场双红会?佢轻描淡写讲咗句「God bless」。
我绝对明白佢嘅心态,上周输俾般尼茅夫3球,加埋周中欧联以小组最低分出局後,老实讲对住榜首嘅利物浦抱住输少当赢嘅心态去对待就够啦,无期望就无失望,到时曼联可能有惊喜畀到大家,就好似对住车路士咁。
点解睇曼联睇得咁淡,除咗近况飘忽外,仲要前中後三线都有唔同球员受伤,望住张受伤名单都戥坦哈格担心,排阵相当头痛。仲要巧合地,系坦哈格之前几位曼联领队当中包括莫耶斯、苏斯克查同摩连奴等等,都系对完利物浦输波之後无耐就执包袱走人,呢次我都要同坦哈格讲句「God bless」。
利物浦虽然欧霸输波,但因为已经锁定首名出线,对士气打击应该不大,佢哋亦事先张扬呢场比赛将会作出轮换,当中华基尔云迪积克、穆罕默德沙拿同阿历山大阿诺特等等主力可以留守基地唔洗舟车劳顿。曼联就完全相反,周中面对拜仁希望争取一丝出线希望,可惜输波而回,今次真系「赔了夫人又折兵」,喺曼联系种种不利因素下,利物浦呢三分都袋咁一半。
上一篇:英超双红会 利物浦降魔上盘必撑 | 下一篇:赛前拎每月最佳 夏维斯率阿仙奴上榜 |
相关阅读
- 12-21英超23/24赛季-利物浦0-0曼联-滕哈格保住帅位
- 12-21纽尼斯陷10场入球荒 夏文:红军最大死穴
- 12-21寸王被炒5年:曼联有佢哋永远唔会成功
- 12-21世冠盃4强浦和红钻斗曼城 免费台直播
- 12-21曼联总监飞沙特 兜售2.3亿镑「4大瘀血」
- 12-21时代杂志 2023 年「年度运动员」:Lionel Messi
- 12-21富明尼斯入世冠盃决赛 马些路争5度封王
- 12-21因一条规例 夏兰特无缘世冠盃决赛
更多>>精选阅读