非国盃就快开波，喀麦隆公布大军名单，阵中有个「年轻球员」杜阿拉引起广泛讨论，因为佢报称只有17岁，但已经有M字额，比好多中年男士更「成熟」。

名单公布後，《马卡报》立即大造文章，直接用「非洲丑闻」为标题：「喀麦隆徵召一名17岁少年......但佢睇落唔系嗰回事」

根据喀麦隆足总上报资料，杜阿拉效力国内球队维多利亚联队，司职中场，出生日期2006年5月15日，现年17岁，再睇佢个外貌，不禁令人怀疑资料有误，不过非国盃并非青年赛事，并无报细数嘅必要。

不过无论如何，杜阿拉已经成功吸引广大网友围观，纷纷指呢位「小将」未老先衰，而且一夜爆红，如果唔踢波，可以尝试开创其他事业。