安东尼马迪尔即将被曼联清洗，今个冬窗唔走，嚟紧夏窗都会离队，据报原来佢2015年由摩纳哥加盟曼联，附带3项条件，当中只有1项条件成功触发，另两项就无法达成，结果帮曼联悭番1,440万镑(约1.43亿港元)。

安东尼马迪尔2015年由摩纳哥转投曼联，当年转会费3,600万镑，另加浮动奖金，而该浮动奖金分为3笔款项，各720万镑，第1笔奖金早就触发，安东尼马迪尔喺曼联9季上阵317场入90球，摩纳哥已经袋咗720万镑。

至於第2同第3笔奖金，摩纳哥就冇可能收到，因为第2笔奖金嘅触发条件，系安东尼马迪尔加盟曼联头4年，为法国队上阵超过25场，好明显佢做唔到。

最後1项奖金嘅触发条件就系，安东尼马迪尔获得金球奖，呢样更加冇可能。所以曼联最终向摩纳哥缴付转会费为4,320万镑，悭咗1,440万镑。