沙拿伤出势缘尽非国盃 利物浦噩耗!
2024-01-19 来源: 八一体育 点击
利物浦球迷最唔想见到嘅画面出现!周五(19日)凌晨非国盃B组赛事,埃及同加纳踢成2比2平手,不过埃及前锋穆罕默德沙拿喺上半场勇战受伤,强忍泪水离场兼要队友安慰,好大机会缘尽今届赛事。埃及2战2和出线未明,但沙拿或要面临长达8星期缺阵,对利物浦系一大噩耗!
埃及同加纳首仗都失分,今仗为争胜进行激战,踢到上半场尾段埃及受到连环打击,沙拿冲刺後突然按住左脚大腿,军医入场治疗後要退下火线,佢离场嗰阵情绪激动,要队友一直安抚。祸不单行嘅系沙拿离场後,加纳就由效力韦斯咸嘅古达斯入波领先1比0。
下半场埃及倾力反扑,马莫殊68分钟把握对手犯错追平,但3分钟後古达斯又入波帮加纳再次领先,埃及转头又由穆斯塔法穆罕默德追成2比2,最终两队各得1分。埃及领队维多利亚表示:「希望沙拿问题唔大,但依家真系唔知咩情况,我谂唔系太严重,睇下点。」
沙拿今次疑似拉伤左脚大腿,休养期好视乎伤势程度,如果系最轻微嘅Grade 1,可能1星期就可以康复,但如果伤势较重,养伤时间可以由2个星期去到8个星期。非国盃决赛喺2月11日举行,利物浦本来希望埃及早早出局,等沙拿可以尽快回归,但如果受伤而回,对「红军」会系最坏嘅结局。
上一篇:斩手指戒赌!祖记中场接受第一次戒赌 | 下一篇:巴勒斯坦逼和阿联酋 球迷表达和平诉 |
相关阅读
- 01-19【英足盃】拖肥水晶宫旺半和追多铺
- 01-19奥拿拿否认搞事:屈我啦,我冇问题?!
- 01-19【官宣】宾菲加签曼联新星 拒卖主力畀红魔
- 01-19英超23/24赛季-曼联2-2热刺- H?jlund终於发威
- 01-19马迪尔被勒令单独操练 做辛祖二世?
- 01-19迪亚高哥斯达自由身 边队会要?
- 01-19阿森纳的起源,最初队名并非是Arsenal,红底白袖
- 01-19坦哈格要求同庄尼伊云斯续约1年
更多>>精选阅读