去年夏天加盟巴甲保地花高嘅迪亚高哥斯达，合约即将到期，回复自由身，据报道呢位35岁前锋现正搵班落，搵紧中锋嘅球队会唔会考虑佢？

《阿斯报》报道，拥有巴西同西班牙双重国籍嘅迪亚高哥斯达，去年夏天离开狼队後，加盟保地花高，加盟第2场就梅开二度，全力向巴西锦标进发，可惜球队愈踢愈沉，迪亚高哥斯达亦经历入球荒，之後11场仅入1球，球季结束後，保地花高冇同佢倾续约，即将回复自由身。

报道指，暂时未知迪亚高哥斯达未来动向，相信唔会咁快挂靴，佢足球生涯大部分时间都喺欧洲搵食，踢过车路士同马体会，可能趁今个冬窗返欧洲落班。