出线关键战斗卡塔尔 国足主帅:目标攞3分
2024-01-23 来源: 八一体育 点击
国足於亚洲盃A组最後一轮,将会硬撼已经锁定出线资格嘅东道主卡塔尔,阵中主力王上源随主帅阿历山大扬科维奇,赛前出席记招,前者强调现时出线命运仲掌握喺自己手中,会视今场为最重要一战,至於国足主帅就表示今场全取3分嘅目标唔会动摇,无需理会其他比赛战果。
阿历山大扬科维奇於记招上讲到对今场对手嘅睇法,表示会尊重卡塔尔:「佢哋系实力唔错嘅强队,唔止分组赛至今全取6分,之前嘅世盃外都两战全胜,但我哋全队都好兴奋,会全力争胜。」国足分组赛先後以0比0,赛和塔吉克及黎巴嫩,赛前手握两分,今场全取3分,就肯定可以小组次名身分晋级淘汰赛阶段,但就算和波,出线都未绝望。对於队内目标是否一致,国足主帅表示:「我哋目标好简单,场上11个打11个,全力以赴去赢波,唔洗谂其他比赛踢成点。」
过去两场分组赛都为国足担正嘅王上源,就认为今届赛事强弱球队之间嘅分别已经缩小:「我哋咗分组赛至今几乎所有比赛,所有球队实力都好接近,见到亚洲盃所有球队嘅实力差距在缩小,当然日本、沙特阿拉伯等强队嘅表现,都仲值得我哋去学习。」王上源续指今场会全力为国足争胜:「我哋嘅目标系小组出线,无论教练战术安排如何,我哋落到场都会全力以赴,视呢场波为最重要嘅比赛。」
上一篇:曼联重量级挖角!曼城大佬加盟做CEO | 下一篇:热刺学曼城 抢购挪威新星 |
相关阅读
- 01-23佐藤寿人:泰国有力守和阿曼
- 01-23出线关键战斗卡塔尔 国足主帅:目标攞3分
- 01-23热刺学曼城 抢购挪威新星
- 01-23曼联新CEO未返得工?曼城官司关键证人
- 01-23南韩2比2逼和约旦 惹走线疑云
- 01-23全面挞着稳嗒私房菜 红军折茅放心捧
- 01-23国足救星到 韦世豪可复出斗卡塔尔
- 01-23洛桑签意大利最年轻国脚 又关曼联事?
更多>>精选阅读