曼联周六(20日)惊人宣布，成功挖角曼城足球总监贝拉达担任CEO，不过贝拉达嘅上任时间仍未有定案，据报曼城或要求佢进入「冷冻期」，可能要到24/25球季前先可以正式上任。值得留意嘅系，贝拉达仍然系曼城涉嫌财务违规官司嘅关键证人，今季仍然代表曼城出席聆讯。

曼联喺声明中已表示，贝拉达上任时间仍有待落实，目前继续由临时CEO史超活处理职务。据英国《每日镜报》报道，贝拉达向曼城辞职後，将会进入「冷冻期」，期间唔可以为其他球会工作，好可能要到今个球季完结先可出任曼联CEO。

另一个尴尬情况系，虽然佢会成为曼联「揸弗人」，但嚟紧仍然要为曼城嘅财务违规官司作证。曼城上年被英超赛会控告115条财务违规罪名，涉案时间嘅最後2年，就系贝拉达担任曼城足球总监嘅时间，所以佢会系呢场官司嘅关键证人。