法国神锋宾施马同沙特豪门伊蒂哈德关系濒临破裂，盛传将於今个月离队，重返欧洲球坛，引来唔少大球会关注，除咗阿仙奴有意借用之外，根据英国《太阳报》爆料，车路士亦计划签入呢位36岁射手，以解决锋线入球能力不足嘅问题。

车路士近年即使花费巨额转会费签入多位球员，但始终买唔到1位可靠射手，所以打算向宾施马埋手，毕竟呢位2022年金球奖得主效力皇马期间上阵648场入354球，效率极高，即使年纪偏大，但仍具功架，相信可以提升车仔攻力。

事实上，车路士近2年已经签入6位法国球员，可见班主保利对法国兵情有独锺。不过，宾施马现时周薪高达350万镑(约3,500万港元)，除非佢愿意减人工，否则难有球会可以签到佢。