队友遭恶意批评 孙兴民:请保护南韩队
2024-01-26 来源: 八一体育 点击
【林卓臻卡塔尔多哈直击】南韩亚洲盃E组最後一轮赛事,喺领先情况下最终被马来西亚逼和3比3,虽然成功晋级16强,但分组赛表现难令人信服,南韩国内都对「太极虎」至今表现唔收货,赛後被选为今场最佳球员的南韩队长孙兴民,出席记招时为受批评的队友护航,至於主教练奇连士文则承认球队表现有待改善。
今场最後时刻被马来西亚追和,孙兴民对战果感到失望,同时不忘称赞对手嘅表现:「要畀掌声对手,到最後一刻都冇放弃,对於南韩今日战果系令人失望,最紧要系我哋闯入咗16强,要好好准备嚟紧嘅比赛。」
「太极虎」分组赛表现欠缺说服力,引起南韩国内唔少人不满,赛後有南韩记者问佢点睇有球员遭批评时,原本用英文作答嘅孙兴民,突然转台讲韩文,语气诚恳咁回应:「呢个问题想用韩文答,有件事我想拜托南韩媒体,希望你哋同球员企喺同一阵线,保护南韩队,有队友因为受到批评,而感到被伤害,呢啲批评有时太过火,我哋成队波都好hurt,见到队友咁痛苦我都好伤心,佢哋有屋企人,有啲有子女,喺作为球员之前,佢哋都系普通人。」
南韩遭马来西亚逼和後,最终攞到小组第二,成功喺16强避开另一夺标大热日本,不过赛後主教练奇连士文就否认有意「走线」:「今日失3球唔喺我哋嘅计划之中,我觉得马来西亚3个入波之中,有两球系唔应该发生,避开日本都唔系我哋嘅目标,我哋原本嘅目标系以小组首名晋级。」南韩上届虽然於8强止步,但全程只失过两球,今届踢分组赛已经失咗6球,不过奇连士文仍然信心十足,形容真正嘅挑战系由淘汰赛开始,相信球队能够一路杀入决赛兼夺冠。南韩16强将会面对沙特阿拉伯,赛事喺香港时间下周三(31日)凌晨举行。
上一篇:欧洲足协爆纠纷 波班辞职抗议施费林 | 下一篇:国际迈亚密飞抵沙特 4大球星都有份 |
相关阅读
- 01-26曼联好消息!马古尼梳尔可复出踢英足盃
- 01-26加萨战争100天,巴勒斯坦球员失去家园仍出赛亚洲
- 01-26【有片】耶马做完英雄变罪人 巴塞西盃出局
- 01-26英超传统豪门落难记 曼联、切尔西如何重返荣耀
- 01-26佐藤寿人:太极虎发火赢马来西亚
- 01-26英联盃4强次回合富咸斗利物浦 免费台直播
- 01-26曼联玩高科技 引入AI技术帮手训练
- 01-26完了吧!马迪尔做手术抖10个星期
更多>>精选阅读