热刺前锋李察利臣今季表现回勇，喺哈利卡尼离队後肩负入波重任，18场联赛已经有7个入球，据报佢嘅演出获得豪门关注，皇家马德里有意喺夏天将佢收购。李察利臣2大偶像朗拿度同尼马都喺西甲发光发热，下季随时轮到佢表演！

专门跟进热刺消息嘅着名记者Sessions日前爆料，指李察利臣今季回勇，令转会传闻再度炽热：「除非沙特阿拉伯有球队突然出天价抢人，否则李察利臣同皇马嘅浪漫故事值得注意，李察利臣要喺下半季保持状态，佢加盟皇马系好有可能会发生。」

皇马教练安察洛堤喺执教爱华顿嗰阵，对李察利臣有极高评价，据报一旦签基利安麦巴比失败，好可能会转移目标搵李察利臣。皇马已经有云尼斯奥斯祖利亚同洛迪高高斯2大巴西前锋，如果再签埋李察利臣，就可以重组巴西国家队嘅「三叉戟」。