曼联锋线球员今季脚头无灵，盛传领队坦哈格计划今个月签入射手提升入球能力，但呢位荷兰名帅亲自表示，唔会喺今个冬季转会市场签人，因为会违反公平财政条例。

坦哈格话：「我哋研究过签入球员，但发现因为公平财政条例，毫无空间增兵，即使安东尼马迪尔将缺阵一段时间，但曼联前锋位置上，已经冇嘢可以做，不过我哋仲有拉舒福特，佢可以踢正前锋，队内亦有其他选择。」

据悉坦哈格曾经睇中阿积士新星拜仁博比、拜仁慕尼黑前锋祖普莫亭等人选，但依家都签唔到，只能怪佢之前收购球员「太阔绰」，导致盘数接近「爆标」。