德国前锋迪姆华拿上月由RB莱比锡外借热刺，只系踢咗2场联赛就交出2次助攻，进攻效率同以往效力车路士判若两人。据热刺随队记者Alasdair Gold爆料，领队普斯迪高路已决定将迪姆华拿买断，视佢为未来计划一部份。

迪姆华拿上场对宾福特，1分钟内制造2个入球，帮球队反败为胜，普斯迪高路对佢嘅表现大为赞赏：「迪姆华拿好有质素，佢已经喺英超证明过自己，佢融入热刺後会愈踢愈好，而且我知道佢有入球能力，喺热刺嘅进攻体系佢一定会拎到入波。」

热刺借用迪姆华拿合约完结後，有权用1,500万镑(约1.5亿港元)将佢买断，记者Alasdair Gold爆料：「普斯迪高路唔会当迪姆华拿系『短炒』，佢想球员投入自己嘅体系，迪姆华拿已被列入热刺长远发展计划之中。」