周二(6日)凌晨英超独脚戏，宾福特主场斗曼城，「蓝月亮」状态大勇，各项赛事录得8连胜，向住衞冕「3冠王」壮举进发。主队宾福特近期成绩麻麻，不过佢哋体力化同简单直接踢法，上季就成功克住曼城，今仗战况亦会好紧凑，博3.5球嘅入球细好路。(Now 621及611周二凌晨4时直播)

曼城自世冠盃挞着後，遇神杀神、遇佛杀佛，上场3比1轻取般尼豪取8连胜。曼城争冠经验丰富，随住欧联16强下个星期展开，领队哥迪奥拿亦会开始保留实力，务求以「最经济」嘅方法赢波，作客更加唔妄求大炒，对上两仗作客都系仅胜1粒，相当手紧。

曼城嘅核心阵容唔算特别雄厚，奇云迪布尼、艾宁夏兰特等主将都系重伤初愈，准备季尾冲刺前会「锡住用」，领队哥迪奥拿随时畀佢哋轮流休息。唔好忘记，曼城上季主客两轮联赛都输畀宾福特，同时两队近4次对赛，总入球全开3球或以下，可见强如「蓝月亮」，到访呢支西伦敦球会都未必敢放手抢攻。

宾福特踢法硬净，稳守突击颇具威胁，尤其王牌前锋艾云东尼复出後，可以踢番佢哋最擅长嘅长传反击，相信哥迪奥拿都唔敢将防线推得太前。曼城遇克星兼有後顾之忧，今仗唔似会去尽，中位数3.5球嘅入球细稳阵。