同阿根廷作对?加拿祖又扮C朗庆祝
2024-02-06 来源: 八一体育 点击
曼联上仗英超大胜韦斯咸3比0,阿历真度加拿祖梅开二度,表现非常抢镜,但佢入波之後坐上广告牌,扮C朗庆祝姿势,可能会再次引起阿根廷国家队队友不满,将来为国出征,随时会被孤立。
众所周知,阿历真度加拿祖一向视C朗为偶像,入波之後往往会做出呢位葡萄牙巨星庆祝动作,包括跳起空中转身「Siu」,同埋双手放心口,今次轮到扮C朗坐上广告牌。阿根廷名将迪马利亚早前公开告诫加拿祖唔好再扮C朗:「如果我系加拿祖,就唔会模仿C朗。」相信系由於C朗同阿根廷球王美斯系宿敌,迪马利亚认为加拿祖作为阿根廷新晋国脚,冇理由撑对手。不过,阿历真度加拿祖一於懒理,当迪马利亚冇到。
亦有报道指,加拿祖坐广告牌嘅动作,系回敬韦斯咸中场古达斯,因为上次韦斯咸赢曼联2比0,古达斯入波後走去场边坐广告牌。至於加拿祖系扮C朗定寸古达斯,可能两样都有啦。
上一篇:美斯斋坐无踢!国际迈亚密4比1挫港队 | 下一篇:约旦射手演出抢镜 有望去法甲搵食 |
相关阅读
- 02-06约旦射手演出抢镜 有望去法甲搵食
- 02-06祖高尔:蓝月孖宝助球队捕蜂
- 02-06马天尼斯受重创 坦哈格:情况好坏!
- 02-06连格终於落班!投FC首尔背後另有原因
- 02-06金玟哉清洁药检室 赶都唔走赢赞赏
- 02-06鹤臣生涯最错决定 随时冇埋份工!
- 02-06利物浦後防离奇自爆 1比3不敌阿仙奴
- 02-06卡希尔现身撑 东道主卡塔尔备战斗伊朗
更多>>精选阅读