去片睇美斯嘲笑队友射失12码

国际迈亚密喺周三(7日)晚热身赛互射12码不敌神户胜利船，出现争议性一幕，国际迈亚密中场罗拔泰莱射失，美斯唔止冇表达失望，或者安慰队友，反而大笑，令人觉得佢对自己人幸灾乐祸，结果遭到网民疯狂批评，甚至有人要求国际迈亚密同呢位阿根廷球王解约。

当时罗拔泰莱劲射中楣弹出，成为今场首位射失嘅国际迈亚密球员，镜头影到美斯开怀大笑，引来网民大肆评击，包括话：「令人作呕嘅球队领袖」、「国际迈亚密应该立即同佢解约，太荒唐了」、「咁都笑得出，令人恶心嘅男人」、「队长冇可能做出呢种事，毫无羞耻之心」。

不过，以美斯喺国际迈亚密嘅超然地位，班主碧咸都奈佢唔何，相信队内其他球员亦唔敢批评佢今次劣行。