拿玻里中场施连斯基当选为2023年波兰足球先生，打破巴塞隆拿射手罗拔利云度夫斯基连续4年获此殊荣嘅垄断局面，现年29岁嘅施连斯基大器晚成，并将於今夏约满成为自由身球员，势必引起各大豪门争夺。

施连斯基上季为拿玻里各项赛事上阵48场入7球及11次助攻，成为球队夺得意甲冠军嘅功臣，今季继续有挥定发挥。反观罗拔利云度夫斯基状态走下坡，入球数字大减，施连斯基力压对方，成为波兰足球先生，绝对实至名归，亦系佢球员生涯首次获得呢个奖，别具意义。

由於施连斯基唔满意拿玻里开出嘅续约条件，决定今夏自由身离队，成为唔少大球会争夺目标，当中以国际米兰最有诚意，计划今个月内同呢位波兰国脚达成今夏加盟协议。